Samstarf við systurklasa í Bandaríkjunum

Íslenski sjávarklasinn og undirbúningshópur um stofnun sjávarklasa í Connecticut  í Bandaríkjunum skrifuðu í dag undir viljayfirlýsingu um samstarf við uppbyggingu nýs sjávarklasa við Long Island Sound sem liggur á milli Connecticut og New York. Nýi klasinn mun nefnast The Long Island Sound Ocean Cluster, að því er fram kemur í fréttatilkynningu frá Íslenska sjávarklasanum.

Í tilkynningunni segir að The Long Island Sound Ocean Cluster sé fimmti bandaríski klasinn sem verður einn af systurklösum Íslenska sjávarklasans í Bandaríkjunum og voru það C. Patrick Heidkamp, prófessor við Southern Connecticut State University og forsvarsmaður The Long Island Sound Ocean Cluster initiative, og Þór Sigfússon, stofnandi Íslenska sjávarklasans, sem skrifuðu undir samstarfsyfirlýsingu í Húsi sjávarklasans í dag.

Í samstarfinu eru fyrir auk þeirra tveggja sem nefndir eru New England Ocean Cluster, Alaska Ocean Cluster, New Bedford Ocean Cluster og Pacific Northwest Ocean Cluster.

• Blogga um frétt