Aðgerðir yfirvalda í Bandaríkjunum og í Evrópu til þess að sporna við útbreiðslu kórónuveirunnar munu hafa áhrif á sölu og afkomu Iceland Seafood International á næstu vikum og mánuðum, að því er segir í fréttatilkynningu fyrirtækisins.

Þá hafa hlutabréf fyrirtækisins lækkað um 11,6% í kauphöllinni frá opnun markaða í morgun.

Í tilkynningunni segir að fjárhagslegar afleiðingar aðgerðanna séu háðar þróun mála og tímaramma aðgerðanna. Telur fyrirtækið mestu áhrifin verða á sölu til þjónustugeirans, svo sem hótela og veitingastaða, sérstaklega í Suður-Evrópu. Hins vegar er talið að sala til dagvöruverslana haldi áfram að óbreyttu að svo stöddu.

Líklegt er að góð staða fyrirtækisins hvað varðar sölu í dagvöruverslanir á Írlandi og í Bretlandi verði til þess að draga úr áhrifum á sölu í þjónustugeirann, að mati Iceland Seafood. Kveðst fyrirtækið standa fjárhagslega vel að vígi og vera því fært um að mæta þeim áskorunum sem fylgi ástandinu.

„Til skamms tíma verða áhrifin neikvæð, en eins og staðan er nú er erfitt að spá hver þróunin verður til lengri tíma – hvort þetta mun verða breyting á eftirspurn á afmörkuðu tímabili eða hvort ástandið hafi alvarlegri langtímaáhrif,“ segir í tilkynningunni.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

Iceland Seafood

Samþykktu hækkun vaxta í 13%

• Birna í stjórn Iceland Seafood
• Biðja kröfuhafa um leyfi til að selja IS UK
• Brim kaupir hlut Bjarna í Iceland Seafood
• Reksturinn í Bretlandi seldur á þúsund pund

» Fleiri tengdar fréttir

• Blogga um frétt