Ísfisktogarar Bergs-Hugins í Vestmannaeyjum, Bergey VE og Vestmannaey VE, liggja bæði í höfn þessa dagana. Ástæðurnar eru annars vegar slæm veðurspá fram yfir helgi og hins vegar sú óvissa sem ríkir á ferskfiskmörkuðum vegna kórónuveirufaraldursins.

Bæði skipin voru með fullfermi af ufsa þegar þau komu til löndunar á miðvikudag. Vestmannaey fékk aflann á Selvogsbankanum en Bergey rétt fyrir austan Eyjar.

Tvær lægðir eru væntanlegar um helgina og ölduspá er afar slæm. Á hefðbundnum mörkuðum hefur spurn eftir ferskum fiski hrunið undanfarið. Verslanir leita frekar í frosna vöru enda eru veitingahús flest lokuð.

Arnar Richardsson, rekstrarstjóri Bergs-Hugins, segir langmest af fiskinum sem skipin hafa borið að landi síðustu vikurnar hafa farið til vinnslu hér á landi og er hann unninn í Vestmannaeyjum, Seyðisfirði, Neskaupstað, Dalvík og Akureyri. Nú er beðið og fylgst með stöðunni á mörkuðum erlendis.

Tengdar fréttir

Samdráttur í sjávarútvegi

Hagræðing í skipastól Síldarvinnslunnar

• Uppsagnir þungt högg fyrir samfélagið
• „Þarna eru mörg störf sem eru að tapast“
• 32 sagt upp störfum í Stykkishólmi
• Gagnrýni LS á starfsháttum Hafró vísað á bug

» Fleiri tengdar fréttir

• Blogga um frétt