„Það er allt steindautt. Við höfum verið að senda út fleiri tonn af fiski á viku og það fóru núll kíló í þessari viku hjá okkur. […] Það er enginn að kaupa neitt í dag. Það eina sem er kannski að fara er að hluta til til Ameríku, sem frosnar vörur, en í Evrópu er allt steinlokað,“ segir Daði Pálsson, framkvæmdastjóri Leo Seafood í Vestmannaeyjum, í samtali við 200 mílur.

Daði Pálsson. Ljósmynd/Leo Seafood

Hann segir fyrirtækið hafa hægt á veiðum vegna stöðunnar og hefur Þórunn Sveinsdóttir VE-401 legið við bryggju um tíma. Þá sé stefnt að því að vinna eins og kostur er til þess að klára þann fisk sem er í vinnslunni og meta síðan aðstæður.

„Menn eru að afpanta vörur sem þeir eru búnir að panta og hefur verið komið fyrir í gámum, þannig er staðan,“ segir Daði. Þá telur hann mikla óvissu um framhaldið.

„Ýsan hefur lækkað og ufsinn hefur lækkað, en það sem heldur sér er þorskur. Ég held að það sé vegna þess að eftirspurn eftir saltfiski sé mikil. […] ég hef heyrt það að menn séu að panta saltfisk samt sem áður og það er kannski það eina sem er að hreyfast í dag. Þá er vonandi að koma hækkun þaðan, þorskverðið hefur haldið sér þokkalega,“ svarar hann spurður hvort hann viti hvers vegna þorskverð á innlendum fiskmörkuðum hafi ekki lækkað.

Frétt af mbl.is

„Sjáum engan annan leik í stöðunni en að draga saman“

Tengdar fréttir

Samdráttur í sjávarútvegi

Hagræðing í skipastól Síldarvinnslunnar

• Uppsagnir þungt högg fyrir samfélagið
• „Þarna eru mörg störf sem eru að tapast“
• 32 sagt upp störfum í Stykkishólmi
• Gagnrýni LS á starfsháttum Hafró vísað á bug

» Fleiri tengdar fréttir

Kórónuveiran Covid-19

Við höfum „runnið til baka niður brekkuna“

• Grípa til aðgerða: Covid-19 breiðist hratt út
• Ekki fleiri greinst með veiruna í eitt og hálft ár
• Áslaug um fylgið: „Verðum að horfa í eigin barm“
• Covid-tilboð á hótelum um allt land

» Fleiri tengdar fréttir

• Blogga um frétt