Alls voru 17 af 20 skipverjum úr Hrafni Svein­bjarn­ar­syni GK-255 veikir og þrír mikið veikir þegar togarinn lagði að bryggju í Vestmannaeyjum í gærkvöldi.

Þetta kemur fram í facebookfærslu lögreglunnar í Vestmannaeyjum.

„Hafnarsvæðinu var lokað fyrir almenningi og fóru heilbrigðisstarfsmenn um borð þegar skipið hafði lagst að bryggju um ellefuleytið en forgangsmál var að sinna sjúklingunum,“ segir í færslunni.

Frétt af mbl.is

Varúðarráðstafanir vegna veikra skipverja

Sýni vegna gruns um kórónuveirusmit voru tekin úr sjö skipverjum. Fjórir voru færðir í land og var komið fyrir í farsóttarhúsi vegna veikinda.

Aðrir skipverjar eru um borð í skipinu í svokallaðri biðkví á meðan málið er til rannsóknar og fer enginn frá borði fyrr en niðurstaða liggur fyrir.

„Ekki hefur verið staðfest að veikindin stafi af smiti vegna kórónaveirunnar heldur er um varúðarráðstöfun að ræða vegna útbreiðslu hennar. Þegar niðurstaða vegna rannsóknar sýnanna liggur fyrir verða frekari ákvarðanir teknar. Skipverjarnir hafa greiðan aðgang að læknum heilsugæslunnar og er vel sinnt,“ segir í færslu lögreglunnar.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt