Samherji selur sig niður fyrir yfirtökumörk
Setja bókamerki
Samherji holding ehf., systurfélag Samherja hf., tilkynnti Kauphöllinni í morgun að félagið myndi draga úr stöðu sinni í Eimskip og félagið myndi mun sitja uppi með 27,06% í Eimskip eftir söluna. Gengi hlutabréfa Eimskips féllu nokkuð við opnun markaða í dag en tók svo aðeins við sér, en gengi þeirra hefur fallið um 5,7% eins og staðan er klukkan 13:30.
Fyrr í mánuðinum var greint frá því að Samherji hefði fest kaup á 3,05% hlutafé í Eimskip og að eignarhlutur þess væri orðinn 30,11%, en með því myndaðist yfirtökuskylda. Samherji hefur með ákvörðun sinni ákveðið að selja jafn stóran hluta, 3,05%, og keyptur var fyrir tæpum tveim vikum.
Á föstudag var sagt frá því að Samherji hefur sent fjármálaeftirliti Seðlabanka Íslands beiðni um undanþágu frá yfirtökuskyldu sem verður til þegar eignarhlutur fer yfir 30%. Fram kom í beiðni Samherja að vegna kórónuveirufaraldursins hefði myndast fordæmalausar aðstæður sem hafa skapað verulega óvissu.
Málin í vinnslu
Björgólfur Jóhannsson, forstjóri Samherja, kveðst í samtali við 200 mílur ekki geta sagt meira um söluna og yfirtökuskylduna að svo stöddu annað en að málin séu í vinnslu og að ákvörðun hafi verið tekin um að selja sig niður fyrir yfirtökumörkin.
Spurður um hver staðan sé hjá Samherja nú, þar sem samdráttur hefur verið hjá fleiri fyrirtækjum í sjávarútvegi í kjölfar útbreiðslu kórónuveirunnar, svarar hann að einhver samdráttur hafi verið hjá fyrirtækinu. „Þetta er auðvitað bara fordæmalaust og stýringin er bara frá degi til dags. Það er hjá okkur, eins og hjá öllum, óvissa sem er mesti óvinur rekstrar.“
Stúlkan enn í lífshættu: Rannsókn miðar vel
Meðvitundarlaus kona dregin upp úr Silfru
Líkfundur: „Höfum grun um hvaða maður þetta er“
Nóróveiran gengur enn um hálendið
Ætlar að vanda sig enda viðkvæmt mál
„Grafalvarlegt að talningin hafi ekki staðist“
Myndskeið: Ferðamenn flykkjast á Grindavíkurveg