Segir eyfirska sjómenn tryggja tekjur hver annars
Setja bókamerki
Tengdar fréttir
Samdráttur í sjávarútvegi
Ákvörðun Samherja um að biðja áhafnir um að vera lengur um borð í skipum fyrirtækisins til þess að draga úr hættu á smiti og tryggja rekstur skipanna er tekin í góðri sátt við sjómennina sjálfa, segir Trausti Jörundarson, formaður Sjómannafélags Eyjafjarðar, í samtali við 200 mílur. Formaðurinn segir að með þessu sé öllum tryggðar tekjur.
Samherji birti á vef sínum í dag bréf sem útgerðarstjóri fyrirtækisins, Kristján Vilhelmsson, hefur sent sjómönnum þar sem biðlað er til þeirra að vera lengur um borð í skipum félagsins en venja er. Í því felst að sjómenn á ísfisktogurum Samherja samþykkja að vera fimmtán til átján daga um borð í skipunum án þess að fara í land á meðan landað er, en hver túr tekur um fimm til sex daga, útskýrir Trausti.
„Þetta er eitthvað sem náðist heilt yfir góð sátt um,“ segir hann. Þá sé þetta leið sjómanna til þess að leggja sitt af mörkum til þess að styrkja rekstur Samherja og tryggja tekjur sínar. „Verða ekki allir að færa einhverjar fórnir á þessum tímum? Það er annaðhvort þetta eða að skipin þurfi að stoppa í einhvern tíma milli túra. Ég sé enga aðra leið,“ segir Trausti.
Ekki bara útvaldir með tekjur
„Menn halda tekjum en það er líklega ekki verið að veiða jafn mikið og undir venjulegum kringumstæðum, en það var líklega ekkert annað í boði,“ útskýrir hann og bætir við að það standi ekki á sjómönnum í Eyjafirði að taka á sig auka byrðir til þess að halda starfseminni gangandi.
„Þetta er bara partur af því að vera í samfélagi. Á meðan ástandið er svona þá verða allir að færa einhverjar fórnir, líka fyrir kollega sína. Með þessu eru allir með tekjur í staðinn fyrir að það verði einhverjir útvaldir. ég held það sé breið sátt um þetta.“
Hann bendir þó á að það hafi verið fækkað úr fimmtán í áhöfn í þrettán og bíður hann skýringa Samherja, en telur að líklega séu eðlilegar skýringar á því að gripið hafi verið til þess að fækka í áhöfnum skipanna.
Tengdar fréttir
Samdráttur í sjávarútvegi
Stöndum saman
Við hjá Árvakri viljum vekja athygli á því sem vel er gert á þessum erfiðu tímum. Ef þú ert með góða sögu af fyrirtækjum og einstaklingum sem eru að gera gott, sendu okkur ábendingu á netfangið stondumsaman@mbl.is.
„Ég hef ekkert á móti Sjálfstæðisflokknum“
Hafa ekki skilað betri innviðum
Telur dóminn ekki hafa áhrif á viðræður
Segir afstöðuna hafa komið flokknum að óvörum
Snapchat verst af þeim öllum
Enn að keppa 73 ára
„Það var blóðlykt“
Buðu upp á æfingar án öryggisúttektar