Eimskip tekur tvö skip úr rekstri
Setja bókamerki
Tengdar fréttir
Samdráttur í sjávarútvegi
/frimg/1/35/4/1350480.jpg)
Eimskip fækkar um tvö skip í rekstri í byrjun apríl og mun fyrirtækið skila Goðafossi og Laxfossi fyrr en áður var áætlað og þannig lækka fastan rekstrarkostnað, að því er fram kemur í tilkynningu til kauphallarinnar. Þar segir að um tímabundnar breytingar sé að ræða vegna áhrifa útbreiðslu kórónuveirunnar og mun félagið því reka átta skip í stað tíu.
Skipin tvö voru í desember seld fyrir um 480 milljónir króna.
Breytingarnar eru miða meðal annars af því að mæta breytta áherslu sjávarútvegsfyrirtækja sem hafa lagt aukna áherslu á frystar afurðir í kjölfar samdráttar í eftirspurn eftir ferskum afurðum. „Við sjáum að ferskar sjávarafurðir eru að færast í frystar og gerum m.a. breytingar á kerfinu til að mæta því. Á sama tíma leggjum við áherslu á hraða þjónustu fyrir ferskvöru til Íslands og Færeyja. Eimskip hefur gripið til ýmissa aðgerða til að tryggja öryggi starfsmanna og á sama tíma tryggja áreiðanleika og okkar víðtæku þjónustu til viðskiptavina á þessum fordæmalausu tímum,“ segir Vilhelm Már Þorsteinsson, forstjóri Eimskips.
Í tilkynningunni segir að „nýja siglingakerfið mun veita sambærilega þjónustu og áður frá lykilhöfnum og verða með stysta mögulega flutningstíma frá meginlandi Evrópu, Skandínavíu og Bretlandi til Íslands og Færeyja“
Kveðst Eimskip ætla meðal annars að halda stysta flutningstíma frá meginlandi Evrópu, Skandínavíu og Bretlandi til Íslands og Færeyja og stuttum flutningstíma frá Íslandi til Rotterdam og Bremerhaven. Auk þess verður þjónusta við ströndina á Íslandi veitt bæði með sjó- og landflutningum
Breytingarnar eru sagðar tímabundið siglingakerfi sem Eimskip mun hafa í rekstri þar til samstarfið við Royal Arctic Line hefst en áætlað er að það verði seint á öðrum ársfjórðungi 2020.
Tengdar fréttir
Samdráttur í sjávarútvegi
Meðvitundarlaus kona dregin upp úr Silfru
„Grafalvarlegt að talningin hafi ekki staðist“
Spyr sig hvers vegna leyfi var gefið
Ætlar að vanda sig enda viðkvæmt mál
Íshellaskoðanir á sumartíma ekki skynsamlegar
Nóróveiran gengur enn um hálendið
Ekki vitað um alvarleg veikindi
Hroðaleg þróun sem þarf að bregðast við