Framkvæmdir við stækkun fiskeldisstöðvar Samherja á Stað í Grindavík eru nú í fullum gangi og er verið að bora í þrjár nýjar sjóholur í hrauninu við stöðina, að því er segir á vef Samherja.

Þar segir að að um sé að ræða töluverða fjárfestingu til að auka afkastagetu stöðvarinnar og er það í takt við rekstrarleyfið sem Matvælastofnun veitti stöðinni í desember, en það fól í sér heimild til 3.000 tonna seiða- og matfiskeldi á laxi og bleikju. Var þetta stækkun úr 1.600 tonnum í fyrra leyfi. Auk þess er Samherji fiskeldi ehf. með 1600 tonna leyfi að Vatnsleysu.

Frétt af mbl.is

Tvöföldun fiskeldis í Grindavík samþykkt

4.000 tonn þegar framkvæmdum lýkur

Á Stað við Grindavík starfrækir Samherji bæði seiðastöð og áframeldi fyrir bleikju og eru sjóholurnar gerðar í þeim tilgangi að tryggja betur vatnsbúskapinn eftir stækkanir síðustu ára og undirbúa næsta áfanga stækkunar, að því er segir á vef fyrirtækisins. Gert er ráð fyrir að fiskeldið á Suðurnesjum muni geta framleitt tæplega 4.000 tonn af bleikju þegar framkvæmdum lýkur, að sögn Hjalta Bogasonar, rekstrarstjóra Samherja fiskeldis.

Hjalti Bogason, rekstrarstjóri Samherja fiskeldi ehf. Ljósmynd/Samherji

Áætlanir gera ráð fyrir að framkvæmdum ljúki í júní og segir á vef fyrirtækisins að þær séu langt á veg komnar þrátt fyrir breyttu vinnulagi vegna kórónuveirufaraldursins.

„Þetta mun auka afkastagetu fiskeldisstöðvarinnar umtalsvert en þetta er mikið vatnsmagn sem við erum að dæla. Þegar framkvæmdum lýkur mun stöðin geta dælt tveimur og hálfum rúmmetra af vatni á sekúndu,“ segir Hjalti.

Stærsti framleiðandinn á heimsvísu

Fram kemur að kviðpokaseiði eru flutt í seiðastöðina frá klakstöð fyrirtækisins að Núpum í Ölfusi. Seiðin eru síðan alin í seiðastöðinni í 10 til 12 mánuði eða þangað til þau hafa náð 100 grömmum að stærð. Þá eru þau flutt úr seiðastöðinni yfir í áframeldið sem er utandyra í kerum á landi. Þegar fiskur nær tilskilinni stærð er hann svo fluttur lifandi í sérútbúnum tankbílum til slátrunar og vinnslu í Sandgerði.

Samherji fiskeldi er stærsti framleiðandi bleikju í heiminum með um 3.800 tonn árlega en það er tæplega helmingur allrar eldisbleikju sem er framleidd á heimsvísu.

Jarðboranir á svæðinu vegna gerð sjóholu. Ljósmynd/Samherji

Tengdar fréttir

Fiskeldi

Thor fær leyfi til fiskeldis

• Allt landeldi í uppnámi
• Eining um vöktun grunnvatns
• Tillaga að 12 þúsund tonna eldi Geo Salmo
• Sigurður Arnar til liðs við Laxey

» Fleiri tengdar fréttir

• Blogga um frétt