Fjárfesta 100 milljónum í sjálfvirku pökkunarkerfi
Setja bókamerki
Sjávarútvegsfyrirtækið FISK Seafood á Sauðárkróki hefur samið við hátæknifyrirtækið Völku um kaup og uppsetningu á nýju kerfi fyrir samval og sjálfvirka pökkun á léttsöltuðum frystum flökum og nemur kaupverðið um 100 milljónum króna, að því er fram kemur í fréttatilkynningu.
Þar segir að kerfið velur saman og pakkar flökunum í kassa með mun meiri nákvæmni en þekkst hefur og sparar þannig verðmæta yfirvigt. Vísað er til þess að þegar vara er seld eftir fastri þyngd sé mikilvægt að yfirvigtin sé sem allra minnst í hverjum kassa. Hefðbundnir samvalsflokkarar þekkja aðeins þyngd á einu stykki og velja út frá því, auk líkindareiknings, í hvaða kassa stykkið fer. Samvals- og pökkunarróbótinn frá Völku þekkir raunverulega þyngd stykkja sem eru á leiðinni. Hugbúnaðurinn sem byggir á leikjafræði, og unninn í samstarfi við Gervigreindarsetur Háskólans í Reykjavík, ákvarðar þannig linnulaust bestu lausn og eyðir óæskilegri yfirvigt.
Mannskapur sparast
„Kaupin á nýju pökkunarvélinni eru enn ein staðfesting þess að við hjá FISK Seafood erum að hugsa og fjárfesta til framtíðar,“ segir Ásmundur Baldvinsson, yfirmaður landvinnslu FISK Seafood.
„Hagræðingin er fyrst og fremst fólgin í nákvæmni við vigtun. Við vitum að yfirvigtin verður minni en með mannshöndinni og hvert prósentustig í þeim efnum skiptir gríðarlegu máli fjárhagslega. Sömuleiðis sparast mannskapur við færibandið og þær hendur verða kærkomnar í öðrum mikilvægum verkefnum í vinnslunni. Standi afköstin og gæðin undir væntingum er ekki vafi á því að þessi fjárfesting muni borga sig upp á viðunandi tíma og skila okkur eftir það góðum hagnaði.“
Greiða atkvæði um ótímabundin verkföll í dag
/frimg/1/54/62/1546261.jpg)
Umdeilt auglýsingaskilti fjarlægt
Djúpfalsanir búa til nýjar hættur
Trump-áhrifin: Minni alþjóðaviðskipti
„Tíminn er að renna frá okkur“
Tugir gesta á öðru þorrablóti veikjast
Hlunnindin þarf að skoða betur
Fáránlegt að setja fyrst á komugjöld