Stjórn­völd í Jap­an niður­greiða hval­veiðar eig­in út­gerða svo mikið að litlu máli skipt­ir hvað út­gerðirn­ar fá fyr­ir afurðirn­ar á markaði. Það er aðalástæða þess að Hval­ur hf. mun ekki veiða og verka hval í sum­ar. Er þetta annað árið í röð sem hval­veiðar falla niður.

Kristján Lofts­son, fram­kvæmda­stjóri Hvals hf., seg­ir að auk lágs verðs fyr­ir afurðirn­ar séu áfram enda­laus­ar kröf­ur um pruf­ur og efna­grein­ing­ar á afurðum héðan, kröf­ur sem ekki séu gerðar til afurða frá út­gerðum Jap­ana sjálfra.

Hann bæt­ir því við að þótt markaður­inn í Jap­an væri í lagi hefði verið nán­ast von­laust að vinna við hvalsk­urð vegna kór­ónu­veirufar­ald­urs­ins. Menn vinni þar í svo mik­illi ná­lægð hver við ann­an.

Kristján er þó ekki af baki dott­inn með að hefja hval­veiðar að nýju. Hann seg­ir að rann­sókn­ir sem unnið hafi verið að á hvala­af­urðum séu í full­um gangi. Þær fel­ist í að at­huga mögu­leika á því að nýta langreyðar­kjöt í járn­ríkt fæðubót­ar­efni fyr­ir fólk sem þjá­ist af blóðleysi og fram­leiða gelat­ín úr bein­um og hval­spiki til lækn­inga og mat­væla­vinnslu.

Tengd­ar frétt­ir

Hval­veiðar

Hyggst trufla hval­veiðar á Íslandi í sum­ar

• Loðna 90% af fæðu kanadísks hnúfu­baks
• Mögu­lega vís­inda­veiðar á hnúfu­bak
• Auka hrefnu­kvóta í þágu vist­kerf­is­ins
• Meiri­hluti óánægður með ákvörðun Bjarna

» Fleiri tengd­ar frétt­ir