Fiskur verður ekki unninn í fiskiðjuveri Brims hf. á Norðurgarði í Reykjavík næstu tvo mánuðina. Að loknum vinnudeginum í dag hefst undirbúningur að uppsetningu á fullkomnum vinnslubúnaði og hugbúnaði fyrir bolfiskvinnslu, auk endurbóta og nauðsynlegra lagfæringa á húsnæðinu.

Áætlað er að hefja vinnslu á Norðurgarði að nýju í lok júní. Brim og Marel skrifuðu undir samning um verkefnið í október í fyrra og áætlar Ægir Páll Friðbertsson, framkvæmdastjóri Brims, að í heild nemi fjárfestingin um þremur milljörðum.

Undanfarnar vikur hefur verið lögð áhersla á veiðar og vinnslu á karfa og ufsa vegna aðstæðna á erlendum mörkuðum. Tveir ísfisktogarar í stað þriggja verða gerðir út þann tíma sem breytingar standa yfir, einn ísfisktogari Brims fer í slipp á tímabilinu og annar í önnur verkefni. Starfsfólk á Norðurgarði fer í sumarleyfi meðan á framkvæmdum stendur, að því er fram kemur í Morgunblaðinu í dag.

Tengdar fréttir

Brim

Stærsta skip flotans heitir nú Þerney

• Brim fjárfesir í vistvænum krapavélum
• Stjórn Brims helst óbreytt
• Hagnaður Brims dróst saman um 20%
• Brim seldi nýkeypt skip vegna veiðibanns

» Fleiri tengdar fréttir