Fengu besta sumarveðrið á sumardeginum fyrsta

Þrátt fyrir að sumardagurinn fyrsti hafi verið í fyrradag hafa fá merki um hlýindi verið hér á landi undanfarna daga, eða ef til vill þar til í dag. Þrír Íslendingar hafa hins vegar verið svo lánsamir að geta eytt deginum ekki bara í hita heldur líka utandyra í sólinni þrátt fyrir að útgöngubann og aðrar takmarkanir séu nú í gildi víða um heim.

En félagarnir hafa verið fastir um borð í Victoriu utan stranda Ómans frá 26. janúar vegna krónónuveirufaraldursins.

Frétt af mbl.is

„Vitum ekki hvenær eða hvernig við komumst heim“

„Við erum alltaf að kunna betur og betur við Óman og erum þakklátir fyrir að þurfa ekki að eyða fríinu okkar einhverstaðar þar sem að allt er lokað,“ segir Þórir Hálfdánarson, vélstjóri á Victoriu, í tölvupósti til 200 mílna. En hann hefur ásamt Flosa Arnórssyni skipstjóra og Einari Þ. Pálssyni vinnslustjóra verið í þrjá mánuði óslitið að veiðum.

Þórir segir félagana enn í góðu skapi enda sé um 40 stiga hiti að degi til um þessar mundir og sjóhiti um 27 stig.

Einar P. Pálsson, Flosi Arnórsson og Þórir Hálfdánarson njóta sólarinnar. Ljósmynd/Þórir Hálfdánarson

Kvöldsólin við strendur Ómans. Ljósmynd/Þórir Hálfdánarson

• Blogga um frétt