Strandveiðar verða ekki bannaðar á almennum frídögum í sumar eins og hefur verið til þessa samkvæmt reglugerð sem Kristján Þór Júlíusson, sjávarútvegs- og landbúnaðarráðherra, hefur undirritað. Þetta kemur fram á vef stjórnarráðsins.

Þar segir reglugerðin vegna strandveiða 2020 sé efnislega samhljóða reglugerð um strandveiðar síðasta árs með þeirri undantekningu að ráðherra hefur ákveðið að nýta ekki lagaheimild til þess að banna strandveiðar á almennum frídögum. Bætir þetta við fjórum dögum sem veiðar verða leyfilegar í sumar: Uppstigningardagur, annar í hvítasunnu, þjóðhátíðardagurinn og frídagur verslunarmanna.

Fiskistofa greinir frá því á vef sínum að gert sé ráð fyrir að strandveiðar hefjist 4. maí og að opnað verður fyrir umsóknir um leyfi til strandveiða á mánudag 27. apríl.

Bregðast við faraldrinum

Á vef stjórnarráðsins er bent á að unnið sé að gerð lagafrumvarps í atvinnuvega- og nýsköpunarráðuneytinu til að bregðast við áhrifum kórónuveirunnar á þá sem stunda strandveiðar og verður það kynnt nánar á næstu vikum.

Þá bindur Landssamband smábátaeigenda „miklar vonir við að það tryggi strandveiðar að lágmarki 48 veiðidaga sem hægt verði að nýta yfir lengri tíma en þá 4 mánuði sem verið hefur,“ að því er segir á vef samtakanna.

Frétt af mbl.is

Frumvarp vegna faraldursins

Tengdar fréttir

Smábátaveiðar

Góð aflabrögð hjá bátunum á Suðureyri

• Lýsa áhyggjum af línuívilnun
• Bjóða milljarð í þorskkvóta
• Aðalfundur LS haldinn í fertugasta sinn
• Strandveiðiflotinn skilaði 5 milljörðum króna

» Fleiri tengdar fréttir

• Blogga um frétt