Síldarvinnslan hefur ákveðið að fresta veiðum í Barentshafi sökum þess að erfiðlega gengur að selja afurðir sem hafa safnast upp hjá útgerðinni. Gunnþór Ingvason, framkvæmdastjóri fyrirtækisins, segir þetta eiga við um fleiri útgerðaraðila.

„Það er ekkert að seljast neitt. Bretland er lokað. [...] Það er þannig að það er bara mjög þungt í sölu í augnablikinu og það hafa hlaðist upp frosnar afurðir í geymslum, það eru örfáar tegundir sem seljast,“ segir Gunnþór. „Það er búið að hægja á öllum veiðum og svo sjáum við að vinnslurnar eru að hægja á sér líka. Svo hefur verð á fiski farið langt niður á markaðnum hérna heima,“ segir hann og vísar til mikillar lækkunar á fiskmörkuðum um helgina.

„Það er óvissa á mörkuðunum. Það hefur selst ágætlega í ferskum fiski en þar hafa orðið miklar lækkanir,“ segir Gunnar Tómasson, framkvæmdastjóri Þorbjarnar í Morgunblaðinu í dag. Hann kveðst finna fyrir aukinni eftirspurn í kjölfar þess að framboð frá Noregi tók að minnka.

Tengdar fréttir

Samdráttur í sjávarútvegi

Hagræðing í skipastól Síldarvinnslunnar

• Uppsagnir þungt högg fyrir samfélagið
• „Þarna eru mörg störf sem eru að tapast“
• 32 sagt upp störfum í Stykkishólmi
• Gagnrýni LS á starfsháttum Hafró vísað á bug

» Fleiri tengdar fréttir