Kafarar til taks í leitinni

Leit stendur enn yfir að skipverja sem saknað er og talinn er hafa fallið fyrir borð af fiskiskipi á leið þess til hafnar í Vopnafirði um klukkan tvö í dag. 

Frétt af mbl.is

Leita skipverja af fiskiskipi

Björgunarsveitin Vopni á Vopnafirði tekur þátt í leitinni auk þess sem þyrla Landhelgisgæslunnar hefur skannað stórt svæði. Þá eru fimm kafarar úr séraðgerðasveit Landhelgisgæslunnar komnir austur og eru til taks, að sögn Ásgeirs Erlendssonar, upplýsingafulltrúa Landhelgisgæslunnar. Ekkert hefur verið kafað enn sem komið er. 

Þyrlan mun brátt snúa aftur til Reykjavíkur en gert er ráð fyrir að leit haldi áfram fram undir miðnætti og byrji að nýju með morgninum hafi leit þá ekki skilað árangri, að því er segir í tilkynningu lögreglu. Nánari upplýsingar er ekki hægt að veita að svo stöddu.

• Blogga um frétt