Leitin að skipverjanum heldur áfram

Leitin að skipverjanum sem talið er að hafi fallið fyrir borð af fiskiskipinu Erling KE-140 í Vopnafirði á mánudag hefst klukkan 10.

Frétt af mbl.is

Kemba sama svæðið aftur og aftur

Að sögn Hinriks Ingólfssonar, formanns björgunarsveitarinnar Vopna, verður leitin með sama sniði og í gær. „Ég vænti þess að það verði aðeins meiri mannskapur í dag út af því að það er frídagur,“ segir hann en heimafólk mun sjá um leitina.

Björgunarsveitarmenn munu fínkemba svæðið þar sem talið er líklegast að maðurinn finnist. Gengnar verða fjörur frá Tangasporði að Sandvík auk þess sem leitað verður í sandfjörum í Sandvík.

Einnig verður notast við slöngubát, sjókött og björgunarskipið Sveinbjörn Sveinsson sem er staðsett í Vopnafirði.

Hætta þurfti leit um kvöldmatarleytið í gær en talsverður sjógangur var vegna vinds. Að sögn Hinriks er veðrið býsna gott núna og leitarskilyrðin því orðin betri. 

• Blogga um frétt