Aðstoðaði vélarvana bát í Aðalvík

Óskað var eftir aðstoð í morgun vegna vélarvana báts í Aðalvík, að því er fram kemur á Facebook-síðu björgunarsveitarinnar Ernis á Bolungarvík. Þar segir að björgunarbáturinn Kobbi Láka hafi verið sendur af stað og hafi verið mættur á staðinn um 40 mínútum síðar og dró síðan bátinn til hafnar.

Ekki er langt síðan útkall varð vegna sambærilegs atviks, en 14. maí var einnig óskað eftir aðstoð vegna vélarvana strandveiðibáts sem var staddur við Straumnes. Blíðskaparveður var á svæðinu og fór Kobbi Láka til Bolungavíkur með bátinn í togi.

• Blogga um frétt