Norska samsteypan NTS ASA vinnur nú að stofnun eignarhaldsfélags í norsku kauphöllinni sem mun fara með allt hlutafé í Fiskeldi Austfjarða hf., að því er fram kemur í tilkynningu NTS til norsku kauphallarinnar.

Þar segir jafnframt að núverandi minnihlutaeigendur í Fiskeldi Austfjarða hyggist selja af hlutafé sínu fyrir 89 milljónir norskra króna, jafnvirði rúmlega 1,2 milljarða íslenskra króna. Dótturfélag NTS, Midt-Norsk Havbruk AS, er meirihlutaeigandi og fer með 62,7% hlut í Fiskeldi Austfjarða.

Með stofnun eignarhaldsfélagsins, sem mun bera nafnið Ice Fish Farm AS, verður gefið út nýtt hlutafé í félaginu sem ætlað er að skila félaginu 300 milljónum norskra króna, jafnvirði 4,2 milljarða íslenskra króna. Með sölu bréfa minnihlutaeigenda, sem flestir eru íslenskir, og útgáfu nýs hlutafjár munu íslenskir aðilar sem koma að Fiskeldi Austfjarða eiga mun minna í starfseminni, að því er fram kemur í Morgunblaðinu í dag.

Tengdar fréttir

Fiskeldi

„Enginn flokkur tekið málið í fangið“

• Strokulaxar setja mark sitt á laxveiðiár
• Eldisrisi fjárfestir milljörðum í þekkingu
• 5.196 laxar hafi sloppið úr landeldisstöð
• Strokulöxum fækkar í norskum ám

» Fleiri tengdar fréttir