Þingmönnum varð heitt í hamsi í óundirbúnum fyrirspurnartíma á Alþingi í morgun þegar Logi Einarsson, þingmaður Samfylkingarinnar, spurði Kristján Þór Júlíusson, sjávarútvegs- og landbúnaðarráðherra, út í eignasöfnun stærstu sjávarútvegsfyrirtækja landsins og átti þar sérstaklega við Samherja og þann arf sem eigendur fyrirtækisins nýlega greiddu afkomendum sínum fyrir fram.

Frétt af mbl.is

Eignatilfærslan veki upp tortryggni

„Nú á dögunum var sett Íslandsmet í arfi þar sem uppsafnaður hagnaður af sameiginlegum auðlindum þjóðarinnar var afhentur nýrri kynslóð. Um er að ræða mestu tilfærslu á verðmætum milli kynslóða í íslenskri útgerðarsögu af takmarkaðri auðlind okkar,“ sagði Logi og spurði Kristján hvort honum þætti þetta eðlilegt, sanngjarnt og heilbrigt. 

Kristján sagði að mál Samherja hefði ekki komið inn á hans borð og hann heyrt af því í fjölmiðlum. Honum þætti þó ekkert eðlilegt við það „að fjármunum sé mokað út úr tiltekinni atvinnugrein ef þannig háttar til“. mbl.is/Eggert Jóhannesson

Gjaldtaka á sjávarútveg persónubundið mat

„Við getum alltaf deilt um það hvort gjaldtaka og meðferð þessara mála sé eðlileg og sanngjörn. Það verður dálítið persónubundið mat hverju sinni. Í mínum huga hef ég engan efa um það að fiskimiðin eru sameign íslensku þjóðarinnar,“ sagði Kristján í svari sínu til Loga. 

Frétt af mbl.is

„Liggur fyrir að einn daginn myndi þetta gerast“

Logi kom þá aftur upp í pontu og sagði að ekki væri nóg að það stæði í fiskveiðistjórnunarlögum að fiskveiðimið Íslands væru sameign þjóðarinnar þar sem greinilega gætu einstaklingar mokað út fjármunum úr greininni. 

„Með tímabindingu úthlutunar aflaheimilda gætum við komið í veg fyrir það að það sé hægt að færa þessar aflaheimildir milli kynslóða með þessum hætti,“ sagði Logi.

Kristján sagði að mál Samherja hefði ekki komið inn á hans borð og hann heyrt af því í fjölmiðlum. Honum þætti þó ekkert eðlilegt við það „að fjármunum sé mokað út úr tiltekinni atvinnugrein ef þannig háttar til“.

Inga Sæland spurði Kristján hvernig stæði á því að það væri látið viðgangast að stór skip þurrki upp firðina og smábátaeigendur geti því ekki nýtt sér þá til þess að fiska í vondum veðrum. mbl.is/Hari

Stór skip þurrki upp firði

Eftir fyrirspurnina vildi Logi greinilega halda áfram að ræða við Kristján um málið og þurfti Steingrímur J. Sigfússon, forseti Alþingis, að biðja þá um að yfirgefa salinn. 

„Háttvirtir þingmenn verða að útkljá þetta einhvers staðar annars staðar en hérna í salnum.“

Þá gagnrýndi Inga Sæland, þingmaður Flokks fólksins, einnig söfnun innan sjávarútvegsins, þó söfnun á fiski en ekki arði. Hún spurði Kristján hvernig stæði á því að það væri látið viðgangast að stór skip þurrki upp firðina og smábátaeigendur geti því ekki nýtt sér firðina til þess að fiska í vondum veðrum. Kristján svaraði því til að búið væri að skipta miðunum upp í svæði til að koma í veg fyrir ólympískar veiðar. Inga taldi að það dygði ekki til. 

Tengdar fréttir

Fiskveiðistjórnunin

Vill innkalla allar aflaheimildir

• Lilja Rafney yfirgefur VG vegna svika flokksins
• Kristrún vill frekar gjöld en kerfisbreytingar
• Fáar vísbendingar um bættar strandveiðar
• Velgengnin byggð á góðri umgjörð

» Fleiri tengdar fréttir

• Blogga um frétt