Ólafur Helgi sigraði með naumindum

Ólafur Helgi Marteinsson, framkvæmdastjóri Ramma hf., var kjörinn formaður Samtaka fyrirtækja í sjávarútvegi á aðalfundi samtakanna í morgun og tekur við formennsku af Jens Garðari Helgasyni sem hefur gegnt embættinu frá stofnun þeirra 2014.

Ægir Páll Friðbertsson, framkvæmdastjóri Brims hf., gaf einnig kost á sér til formanns en Ólafur Helgi sigraði með naumindum. Hlaut Ólafur Helgi 49,99% atkvæða en Ægir Páll 49,05%, að því er fram kemur í fréttatilkynningu frá samtökunum.

Jens Garðar Helgason, fráfarandi formaður SFS, ásamt Ólafi Helga, nýjum formanni samtakanna. Ljósmynd/SFS

„Það var bara sjónarmunur á okkur frambjóðendunum. Ég tek glaður við embættinu og mótframbjóðandi minn, Ægir Páll Friðbertsson, verður varaformaður samtakanna. Þannig að það er góð sátt á milli okkar og munum vinna þetta saman. Gera okkar besta fyrir samtökin,“ segir Ólafur Helgi í samtali við 200 mílur.

Frétt af mbl.is

Jens Garðar endurkjörinn formaður

Uppfært klukkan 13:57
Áður sagði að töluleg úrslit yrðu kynnt síðar í dag. Þau bárust í fréttatillkynningu og hefur fréttin verið uppfærð með tilliti til þess.

• 1 blogg um fréttina

Bloggað um fréttina

• Björn Jónsson: Er ekki .......