Skaginn 3X skrefinu nær milljarðasamningum

Skaginn 3X hefur undirritað söluhönnunarsamninga við rússnesk og suðurkóresk fyrirtæki sem hyggjast nútíma- og sjálfvirknivæða fiskvinnslu sína til að auka hagræðingu, gæði og afrakstur, að því er fram kemur í fréttatilkynningu. Þegar samningarnir verða að sölusamningum mun verðmæti þeirra nema yfir 6 milljarða íslenskra króna.

Fram kemur að rússnesku sjávarútvegsfyrirtækin Magadanryba og Yuzhno-Kurilskiy Rybokombinat gerðu nýverið ráðgjafasamning við Skagann 3X sem snýr að þróun hugvitsamlegra lausna í sjálfvirknivæðingu fiskvinnslu fyrirtækjanna. Auk þess var gert samningur við Hyeseung Fisheries í Suður-Kóreu um aðstoð við þróun nýrrar fiskvinnslu sem stefnt er að að verði háþróaðasta landvinnslan á þessu svæði.

„Þegar þessir samningar breytast í sölusamninga verður uppsafnað virði þeirra vel yfir 40 milljón evrum (jafnvirði 6 milljarða króna),“ Arnar Friðrik Albertsson, yfirmaður söluhönnunar Skagans 3X.

• Blogga um frétt