Verð á eldislaxi hefur farið hækkandi að undanförnu og hækkaði meðalverð á mörkuðum um 7,28% í síðustu viku (viku 23) samkvæmt vístölu Nasdaq og nam 68,96 norskum krónum á kíló, eða 987 íslenskum krónum.

Í viku 22 lækkaði meðalverð um 2,86%, en sú lækkun kom í kjölfar mikillar hækkunar í viku 21 þegar hún var tæplega 20%.

Frétt af mbl.is

Markaðsverð á eldislaxi hækkar um 20% á einni viku

Þá hefur meðalverð hækkað um 41,86% á síðastliðnum fjórum vikum og rétt rúm þrjú prósent á undanförnum tólf vikum, en fyrir um það bil tólf vikum tók verð að falla og mátti líklega rekja það til áhrifa takmarkanna sem settar voru til að aftra útbreiðslu kórónuveirunnar.

Ef litið er til meðalverðs á eldislaxi í hefðbundinni sláturstærð, þrjú til sex kíló, hækkaði verð um 6,32% og nam 70,74 norskum krónum á kíló, jafnvirði 1.013 íslenskar krónur. Þá hefur meðalverð hækkað um 42,96% á undanförnum fjórum vikum og 3,96% á undanförnum tólf vikum.

Verðþróun samkvæmt vísitölu Nasdaq síðastliðið ár. Mynd/Skjáskot

Tengdar fréttir

Fiskeldi

Vestfirðirnir hafa fengið vind í seglin

• „Enginn flokkur tekið málið í fangið“
• Strokulaxar setja mark sitt á laxveiðiár
• Eldisrisi fjárfestir milljörðum í þekkingu
• 5.196 laxar hafi sloppið úr landeldisstöð

» Fleiri tengdar fréttir

• Blogga um frétt