Flytja skrifstofur Eimskips í vöruhótelið

Eimskip hefur flutt aðalskrifstofur sínar og starfsemi dótturfélagsins TVG-Zimsen í skrifstofurými Vöruhótels félagins við Sundahöfn, en þessi starfsemi var áður í húsnæði félagsins að Korngörðum 2, að því er fram kemur í tilkynningu.

Þar segir að „töluverð hagkvæmni fylgir flutningunum en skrifstofufermetrum fækkar um 3.200 fermetra“ og að félagið sé með þessu að stíga „stór skref í átt að nútímalegra vinnuumhverfi en félagið hefur verið á stafrænni vegferð síðustu misseri sem styður við þessar breytingar. Skrifstofurými sem áður var í Vöruhótelinu hefur verið endurbætt og býður uppá mikinn sveigjanleika en starfsfólk mun geta valið sér vinnuaðstöðu sem hentar þeirra verkefnum hverju sinni.“

Er þetta í takt við þau áform sem lýst var í febrúar þegar stöðugildum var fækkað um fjórtán.

Frétt af mbl.is

Eimskip fækkar stöðugildum um 14

• Blogga um frétt