Besta ár í sögu Loðnuvinnslunnar

Hagnaður af rekstri Loðnuvinnslunnar eftir skatta árið 2019 nam rétt rúmlega 2 milljörðum króna ámóti 700 milljónum árið 2018, að því er fram kemur á vef fyrirtækisins. Þar segir að Tekjur hafi numið 12,8 milljörðum sem er um 8% aukning milli ára og var afkoma félagsins besta ári í sögu Loðnuvinnslunnar þrátt fyrir loðnubrest.

Tekjur að frádregnum eigin afla voru 10,4 milljarðar. Veltufé frá rekstri var 2,67 milljarðar á móti 1,5 milljörðum árið 2018 og eigið fé í árslok 2019 nam tæplega 10 milljörðum króna sem er 52% af niðurstöðu efnahagsreiknings.

Aðalfundur Loðnuvinnslunnar var haldinn á þriðjudag og var þar samþykkt að greiða út 20% arð til hluthafa eða 140 milljónir króna. Stærsti hluthafinn er Kaupfélag Fáskrúðsfirðinga með 83% eignarhlut.

• Blogga um frétt