Stefnt að sjö þúsund tonna eldi í Stöðvarfirði
Setja bókamerki
Frummatsskýrsla vegna mats á umhverfisáhrifum af fyrirhuguðu 7.000 tonna laxeldi í Stöðvarfirði hefur verrið birt á vef Skipulagsstofnunar. Það er Fiskeldi Austfjarða ehf., einnig þekkt sem Ice Fish Farm, sem stendur að fyrirhuguðu eldi. Fram kemur í frummatsskýrslunni að heilt yfir verði áhrifin óveruleg og að flest neikvæð áhrif á nærumhverfi sjókvíanna séu að mestu eða öllu leyti afturkræf.
Fyrirtækið er þegar með rekstrarleyfi fyrir 20,8 þúsund tonna eldi á Austfjörðum, þar af 9.800 tonnum í Berufirði og 11.000 tonnum í Fáskrúðsfirði.
„Áhrifin á botndýralíf undir kvíunum og næst þeim (áhrifasvæði) verða tímabundið talsvert neikvæð meðan á rekstri stendur en eru afturkræf. Áhrifin í og við næsta nágrenni kvíanna (strandsvæði) munu verða óveruleg meðan á rekstri stendur en eru afturkræf. Sé litið til áhrifa í Stöðvarfirði í heild þá eru áhrif á botndýralíf talin verða óveruleg.“
Lítil hætta á sjúkdómum
Ekki er talin mikil hætta á að sjúkdómar berist í villta stofna frá eldisstöðinni þar sem búsvæði villtra laxa eru fjarri fyrirhugaðri eldisstöð. Þá er einnig bent á góða sjúkdómastöðu hér á landi auk bólusetningar eldisseiða. Ekki er talin hætta á að smit berist í kræklingaeldi Stöðvardals, þar sem um óskyldar tegundir er að ræða og eldissvæðið er staðsett sunnanmegin í firðinum undan straumstefnu.
„Laxalús sem á uppruna sinn í eldislaxi getur haft bein en afturkræf áhrif á villta laxfiska. Að teknu tilliti til almennra umhverfisskilyrða, skipulags eldis, lágrar smittíðni á villtum stofnum, stærðar villtra laxfiskastofna og mótvægisaðgerða má búast við að áhrifin verði óveruleg. Það er því talin lítil hætta á að villtir laxfiskar skaðist af laxalús vegna framkvæmdarinnar,“ segir í skýrslunni.
Gott fyrir atvinnulífið
Að mati skýrsluhöfunda munu áhrif á samfélag á framkvæmdartímanum vegna flutnings eldisbúnaðar og útsetningar eldiskvía vera talsvert jákvæð á íbúaþróun, atvinnulíf, nálæg sveitarfélög og opinbera þjónustu.
Vonast til að menn sjái alvöru málsins
Ætla ekki að skila peningnum
MDE: Brotið á Jóhannesi í BK-44 máli
„Sársauki okkar er nístandi“
Staðan alvarleg og stutt í aðgerðir