Kröfur Sjómannafélags Íslands í kjaradeilu sinni við Herjólf ohf. fælu í sér grundvallarkerfisbreytingar á rekstri félagsins og eru langt umfram getu þess. Þetta segir Guðbjartur Ellert Jónsson, framkvæmdastjóri Herjólfs ohf.

Samninganefndir áttu klukkustundarlangan fund í dag og skilaði hann litlum árangri að sögn Jónasar Garðarssonar, formanns Sjómannafélagsins. Meginkröfur Sjómannafélagsins eru að vinnuskylda starfsmanna verði minnkuð um 25%, úr 190 í 142,5 klukkustundir á mánuði án launaskerðingar, en til þess þyrfti að fjölga áhöfnum á Herjólfi úr þremur í fjórar.

Frétt af mbl.is

„Þægilegt fyrir útgerðina að eiga stéttarfélag“

Guðbjartur segir þær kröfur óraunhæfar. „Alvarlegast í þessu er að menn geti ekki lesið rétt í vinnumarkaðinn og það ástand sem ríkir,“ segir hann. „Það hlýtur að vera á ábyrgð Sjómannafélagsins að miða að því að ná samningum um lífsviðurværi fólks til lengri tíma,“ segir hann.

Enginn kjarasamningur hefur verið gerður milli Sjómannafélagsins og Herjólfs ofh. frá því síðarnefnda félagið tók við rekstri Herjólfs af Eimskipum árið 2018. Herjólfur ohf. hefur þegar samið við Sjómannafélagið Jötunn, en minnihluti starfsmanna Herjólfs er í því stéttarfélagi og hefur formaður Sjómannafélags Íslands sakað félagið um að vera í „eigu Herjólfs“, stofnað til málamynda.

Guðbjartur segir afstöðu samninganefndar Herjólf þá að samningur við Sjómannafélagið eigi að vera sambærilegur samningnum við Jötunn, sem aftur byggist á lífskjarasamningunum og felur í sér krónutöluhækkanir til félagsmanna.

Jónas Garðarsson, formaður Sjómannafélags Íslands. mbl.is/Hari

Tengdar fréttir

Kjaramál sjómanna

„Þetta er hrein og klár misnotkun“

• Sjómönnum tryggt 54% meira fyrir þorskinn
• „Er þetta réttlát skipting?“
• „Nóg er komið af rugli og misskilningi“
• Níu ára stöðugleikaskeið í kjaramálum sjómanna

» Fleiri tengdar fréttir

• Blogga um frétt