Fylgjast grannt með kjaradeilu skipverja Herjólfs
Setja bókamerki
Starfsmenn embættis ríkissáttasemjara fylgjast vel með kjaradeilu skipverja Herjólfs í Sjómannafélagi Íslands og Herjólfs ohf. sem nú stendur yfir og fundur verður boðaður þegar þörf verður á því segir Aðalsteinn Leifsson ríkissáttasemjari í samtali við mbl.is.
Önnur vinnustöðvun af þremur boðuðum hefst á miðnætti í kvöld og mun standa yfir í tvo sólarhringa. Að óbreyttu mun þriðja vinnustöðvunin hefjast aðfaranótt 21. júlí og standa yfir í þrjá sólarhringa.
Deiluaðilar funduðu miðvikudaginn 8. júlí en komust lítt áleiðis. Jónas Garðarsson, formaður Sjómannafélags Íslands, sagði í samtali við mbl.is í gær að Sjómannafélagið hefði boðið Herjólfi ohf. málamiðlun til að fresta vinnustöðvuninni en að henni hefði verið hafnað.
Eru í sambandi við deiluaðila
„Frestun ein og sér er ekki að gera neitt fyrir okkur,“ sagði Guðbjartur Ellert Jónsson, framkvæmdarstjóri Herjólfs ohf., í samtali við mbl.is í gærkvöldi. Hann segir að á fundum samninganefnda hafi komið fram kröfur frá Sjómannafélaginu í tíu liðum sem voru þess eðlis að ekki var hægt að ræða þær neitt frekar.
„Við fylgjumst vel með, erum í sambandi við deiluaðila og boðum fund þegar við teljum að það sé árangursríkt,“ segir Aðalsteinn í samtali við mbl.is.
Verkföll kennara ólögmæt
Enn að keppa 73 ára
Ein flugbraut eftir á Reykjavíkurflugvelli
Barátta Hafsteins mótaði Guðrúnu
Telur dóminn ekki hafa áhrif á viðræður
„Ljóst mál að fólk mætir í vinnuna á morgun“
Buðu upp á æfingar án öryggisúttektar
/frimg/1/51/89/1518910.jpg)
Samfylkingin hótaði fyrst slitum