„Ég tek ekki efnislega afstöðu enda deilan ekki á mínu borði. En þetta hefur gríðarlega mikil áhrif á samfélagið allt og við hörmum það að þessi vinnudeila sé að hafa þau áhrif að þjóðvegurinn okkar sé lokaður.“

Þetta segir Íris Róbertsdóttir, bæjarstjóri Vestmannaeyjabæjar, í samtali við mbl.is um aðra vinnustöðvun félagsmanna Sjómannafélags Íslands í áhöfn Herjólfs sem nú stendur yfir. Hún hefur þau áhrif að Herjólfur siglir ekki í tvo sólarhringa.

Deilan er á borði ríkissáttasemjara en engir fundir hafa verið boðaðir. Síðasti fundur samninganefnda Herjólfs ohf. og Sjómannafélagsins fór fram 8. júlí.

Frétt af mbl.is

Fylgjast grannt með kjaradeilu skipverja Herjólfs

Vonar að deiluaðilar leysi málið

Skipverjarnir lögðu niður störf í einn sólarhring, þann 7. júlí síðastliðinn. Þriðja vinnustöðvunin er áætluð frá miðnætti 28. júlí og mun hún standa yfir í þrjá sólarhringa.

„Ég vona það besta – að deiluaðilar klári þetta af því að staðan eins og hún er núna er ekki boðleg samfélaginu okkar,“ bætir Íris við.

Frétt af mbl.is

Ekkert gert til að stöðva verkfall

Tengdar fréttir

Kjaramál sjómanna

Djúpkarfakvótinn tryggði laun sjómanna

• Verðlagsstofuverð þorsks hækkar mikið
• „Þetta er hrein og klár misnotkun“
• Sjómönnum tryggt 54% meira fyrir þorskinn
• „Er þetta réttlát skipting?“

» Fleiri tengdar fréttir

• 1 blogg um fréttina

Bloggað um fréttina

• Eyjólfur Jónsson: Jújú, svona er bara gert og verður gert næstu 500 …