Framkvæmdastjórn Herjólfs hefur ákveðið að Herjólfur III sigli fjórar ferðir í Landeyjahöfn í dag. 

Á Facebooksíðu Herjólfs kemur fram að það er mat framkvæmdastjórnar Herjólfs að tryggja þurfi með óyggjandi hætti öruggar samgöngur milli Vestmannaeyja og lands enda er þetta eini þjóðvegurinn sem íbúar og fyrirtæki í Vestmannaeyjum treysta á og er eina samgöngukerfið sem tryggir aðgengi íbúa og lögaðila að nauðsynlegri þjónustu.

Fé­lags­menn Sjó­manna­fé­lags Íslands sem starfa á Herjólfi eru í tveggja sólarhringa vinnustöðvun og er þetta seinni dagurinn en ekkert var siglt á milli Eyja og lands í gær. Verði enn ósamið leggja starfsmenn niður störf í þrjá daga í næstu viku, frá þriðjudegi til fimmtudags.

Herjólfur fer frá Vestmannaeyjum klukkan 9:30, 12, 17 og 19:30. Frá Landeyjahöfn klukkan 10:45, 13:15, 18:15 og 20:45.

Tengdar fréttir

Kjaramál sjómanna

Djúpkarfakvótinn tryggði laun sjómanna

• Verðlagsstofuverð þorsks hækkar mikið
• „Þetta er hrein og klár misnotkun“
• Sjómönnum tryggt 54% meira fyrir þorskinn
• „Er þetta réttlát skipting?“

» Fleiri tengdar fréttir

• Blogga um frétt