Fluttu út fyrir 13,5 milljarða króna
Setja bókamerki
Á fyrsta árshelmingi nam útflutningsverðmæti eldisafurða 13,5 milljörðum króna og er það 11% meira en á sama tímabili í fyrra þegar það nam 12,1 milljarði. Útflutningsverðmæti afurða af þessum toga hafa aldrei verið meiri á fyrstu sex mánuðum árs, að því er fram kemur í grein á Radarnum, mælaborði sjávarútvegsins sem Samtök fyrirtækja í sjávarútvegi standa að.
Þar segir að lækkað gengi krónunnar hafi átt verulegan þátt í aukningunni milli ára, en ef útflutningsverðmætið er mælt í erlendri mynt var aukningin 4%. Bent er á að fiskeldi er ein fárra útflutningsgreina sem hefur skilað meiri útflutningstekjum í ár en í fyrra.
Sveiflur milli fjórðunga
Kórónuveirufaldurinn er talinn hafa haft veruleg áhrif á starfsemi fiskeldisfyrirtækja. „Þessi áhrif koma bersýnilega fram þegar litið er á þróun í útflutningi á fyrsta og svo öðrum ársfjórðungi, en áhrifa COVID-19 byrjaði að gæta um miðjan mars.“
Talið er að samverkandi þættir hafi haft áhrif á aukningu útflutningsverðmæta á fyrsta ársfjórðungi og er vísað til þess að útflutningsmagn jókst, afurðaverð þróaðist með hagstæðum hætti auk þess sem gengi krónunnar studdi við greinina.
„Á hinn bóginn dróst útflutningsverðmæti saman á milli ára á öðrum ársfjórðungi á sama tíma og útflutt magn stóð nánast í stað. Þann samdrátt má einkum rekja til verulegrar lækkunar á afurðaverði en gengislækkun krónunnar vóg þó aðeins upp á móti,“
Samdráttur í júlí
Mikill samdráttur varð í útflutningsverðmætum í apríl og maí, en aukning verður í júní. „Endurspeglar þessi þróun ágætlega ástandið á mörkuðum á hverjum tíma.“
Fram kemur að bráðabirgðatölur sýni að vísbendingar eru um að útflutningsverðmæti eldisafurða hafi svo dregist saman á milli ára í júlí. Byggist það á því að tölur Hagstofu Íslands um útflutning landbúnaðarafurða hafi numið 1,7 milljarða í júlí sem er um 9% samdráttur miðað við sama tímabil í fyrra. En eldisafurðir flokkast undir landbúnað í opinberum útflutningstölum og eru jafnframt langstærsti þátturinn í þeim flokki.
Á þriðja hundrað manns komu að aðgerðum
„Gefið í skyn að þetta sé öruggt“
Ekki vitað um alvarleg veikindi
Gosmóða yfir suðvesturhorninu – Kröftugir strókar
Myndskeið sýnir innan úr Breiðamerkurjökli
Spyr sig hvers vegna leyfi var gefið
Fjórir drepnir í umfangsmiklum árásum Rússa