Herjólfsmenn funda í fyrramálið
Setja bókamerki
Samninganefndir Sjómannafélags Íslands og Herjólfs ohf. munu funda í fyrramálið um kjör skipverja á Herjólfi. Þetta staðfestir Jónas Garðarsson, formaður samninganefndar Sjómannafélags Íslands í samtali við mbl.is.
„Það verður dustað rykið af þessu á morgun,“ segir Jónas, en hlé hefur verið á viðræðum síðan vinnustöðvun skipverja á Herjólfi, sem átti að hefjast 23 júlí, var aflýst. Þá náðist samkomulag milli félaganna um viðræðuáætlun.
Viðræðuáætlunin inniheldur nokkur mál, meðal annars umræður um starfslýsingu þerna og háseta, forsendur starfsaldurshækkana og launahækkunar miðað við lífskjarasamning með sérfræðingum aðila, og að koma á hvíldaráætlun í samræmi við alþjóðalög.
Stefnt er að því að viðræðum verði lokið fyrir mánudaginn 17 ágúst.
„Ég held að báðir aðilar komi jákvæðir inní þessar viðræður. Við tökum snúninginn á morgun og sjáum hvað það leiðir af sér,“ segir Guðbjartur Ellert Jónsson, framkvæmdarstjóri Herjólfs ohf. í samtali við mbl.is.
Fleiri fundir hafa ekki verið skipulagðir, en ákveðið verður á morgun hvernig viðræðunum verður háttað á næstu dögum.
„Ég hef ekkert á móti Sjálfstæðisflokknum“
Guðrún býður sig fram til formanns
Vottar Jehóva fyrir áfrýjunardómstól
„Ljóst mál að fólk mætir í vinnuna á morgun“
Hafa ekki skilað betri innviðum
Virðir viðsnúning Flokks fólksins
Skoða meirihlutasamstarf með öðrum flokkum
Barátta Hafsteins mótaði Guðrúnu