Matvælastofnun hefur unnið tillögu að nýju rekstrarleyfi fyrir landeldi Matorku ehf. sem staðsett er í grennd við Grindavík. Um er að ræða nýtt rekstrarleyfi fyrir 6.000 tonna hámarkslífmassa vegna matfiskeldi á laxi, bleikju og regnbogasilungi, að því er segir á vef Matvælastofnunar.

Tilefni tillögu að nýju leyfi eru stækkunaráform fyrirtækisins, en gildandi rekstrarleyfi nær til 3.000 tonna framleiðslu á laxi, bleikju, regnbogasilungi og borra.

Matorka lagði fram frummatsskýrslu um stækkun fiskeldis fyrirtækisins í Húsatóftum úr 3.000 tonnum í 6.000 tonn til athugunar hjá Skipulagsstofnun þann 23. júlí 2018. Frestur til að skila inn athugasemdum vegna tillögu Matvælastofnunar 18. september.

Frétt af mbl.is

Fundu kjöraðstæður á Reykjanesi

Verndað hraun

Í áliti Skipulagsstofnunar um umhverfisáhrif framkvæmdanna segir að nokkur óvissa er í kringum áhrif á lífríkið í fjörunni þar sem frárennsli mun vera dælt frá eldisstöðinni, en það sé háð því hvaða lausn verður valin við lagningu frárennslislagna. Sama óvissa er í tilfelli fuglalífs, en áhrif á þann þátt mun meðal annars ráðast af ástandi fjörunnar.

Telur stofnunin vænlegasta kostinn vera „að leggja útrás út fyrir stórstraumsfjöruborð sem sé í samræmi við reglugerð um fráveitur og skólp. Skipulagsstofnun telur að í starfsleyfi sé unnt að setja skilyrði um hreinsun og fyrirkomulag frárennslis sem miði að því að áhrif þess á lífríki fjöru sem og sjávar verði ekki veruleg.“

Jafnframt telur stofnunin að fyrirhugaðar framkvæmdir vegna stækkunarinnar muni hafa í för með sér talsverð rask á eldhrauni sem nýtur verndar samkvæmt lögum um náttúruvernd. Staðbundin áhrif eru sögð „talsvert neikvæð […] á jarðmyndanir sem njóta verndar sem séu óafturkræf.“

Tengdar fréttir

Fiskeldi

Telur lúsina sameiginlega áskorun

• Lús smitar út frá kvíum í villta laxa
• Met sett í vinnslunni í október
• Rannsaka mikinn seiðadauða í Fáskrúðsfirði
• 2024 líklegast metár eldisafurða

» Fleiri tengdar fréttir

• Blogga um frétt