Makrílaflinn yfir 100 þúsund tonn
Setja bókamerki
/frimg/1/52/43/1524385.jpg)
Búið er að landa rúmlega 100 þúsund tonnum af makríl á vertíðinni, en alls hafa íslensk skip heimild til að veiða um 168 þúsund tonn í ár.
Reikna má með að makrílvertíðin standi fram yfir miðjan september, en þá taka við veiðar á norsk-íslenskri síld hjá uppsjávarskipunum.
Fram kemur á heimasíðu Fiskistofu að rúmlega 41 þúsund tonn af makríl hafa verið veidd í íslenskri lögsögu, tæplega þúsund tonn veiddust sem meðafli á kolmunnaveiðum við Færeyjar og rúmlega 58 þúsund tonn utan landhelgi, það er í Síldarsmugunni austur af landinu. Þar hafa rúmlega 50 þúsund tonn af makríl veiðst í ágústmánuði eða um helmingur þess sem íslensk skip hafa veitt í ár.
Undanfarið hefur mest veiðst nálægt norsku lögsögunni og fiskurinn gjarnan horfið inn fyrir mörkin. Dagamunur hefur verið á aflabrögðum, mjög gott einn daginn, en svo lítið þann næsta, að því er fram kemur í Morgunblaðinu í dag.
Kaup á Grænlandi og Íslandi skoðuð 1867
„Ég á 10-15 vini sem eru búnir að missa allt“
Íbúar argir: Bærinn vill gistihús á flóðasvæði
Viðurinn sem kveikti í skóginum
/frimg/1/54/13/1541351.jpg)
„Mjög þungt hljóð í fólki“
Vara við hættulegum vindum í Los Angeles
„Fáránleg“ vegferð Trumps sýni mikilvægi Grænlands