Öll aflaskráning rafræn frá og með morgundeginum

Frá og með morgundeginum fer skráning aflaupplýsinga alfarið fram með rafrænum hætti og heyra afladagbækurnar í pappírsformi, sem fylgt hafa flotanum í áraraðir, sögunni til, að því er fram kemur á vef Fiskistofu.

Rafræn skráning er sögð til þess fallin að auka rekjanleika og efla eftirlit Fiskistofu með fiskveiðum, en gervigreind mun greina gögnin.

Frétt af mbl.is

Afladagbókar-app í fulla notkun í sumar

Öllum fiskiskipum ber að skila dagbókarskráningu áður en löndun hefst eftir hverja veiðiferð og munu upplýsingaskil nú fara fram annaðhvort með rafrænum afladagbókum eða í gegnum snjallforrit sem Fiskistofa hefur látið hanna og hefur verið til reynslu undanfarin misseri.

Stærri skip hafa um tíma notað rafrænar afladagbækur og er núverandi kerfi komið til ára sinna og er unnið að því að hanna nýja gátt fyrir stærri skip.

• Blogga um frétt