Ætla má að útflutningsverðmæti makríls sem veiðst hefur í ár verði hátt í 25 milljarðar króna. Síðustu vikur hefur fengist góður afli í Síldarsmugunni austur af landinu, en langt hefur verið að sigla.

Um miðja vikuna höfðu 2/3 hlutar makrílafla sumarsins fengist í Síldarsmugunni, að því er fram kemur í umfjöllun um makrílveiðarnar í Morgunblaðinu í dag.

Fram undan eru veiðar á norsk-íslenskri síld og eru fyrstu skipin byrjuð á síld. Fréttir af afla Færeyinga við Kolbeinsey lofa góðu, en auk þess var síld víða við landið í sumar. Á heimasíðu Síldarvinnslunnar í Neskaupstað er haft eftir Hjörvari Hjálmarssyni, skipstjóra á Berki, að mikið sé af síld austur af landinu. Hann veltir því fyrir sér hvort hún muni hafa vetursetu á Rauða torginu eins og í gamla daga.

Tengdar fréttir

Makrílveiðar

130 þúsund tonna upphafskvóti í makríl

• Fá að færa 25% makrílkvótans á næsta ár
• Eining um heildarkvóta en ekki skiptingu
• Leggur til 22% lækkun á makrílveiðum
• Útbreiðsla makríls í íslenskri landhelgi ein sú minnsta

» Fleiri tengdar fréttir