Þrír meginfjárfestar hafa með fyrirvörum skuldbundið sig til þess að kaupa hlutabréf í Icelandic Salmon AS (áður Arnarlax) fyrir 345,6 milljónir norskra króna, jafnvirði 5,2 milljarða íslenskra króna, í hlutafjárútboði er tengist skráningu félagsins á Merkur-markað norsku kauphallarinnar, en útboðið hófst í dag.

Þetta kemur fram tilkynningu SalMar, móðurfélags Icelandic Salmon AS, til kauphallarinnar í Osló.

Frétt af mbl.is

Nafnbreyting hjá eiganda

Fram kemur að Gildi-lífeyrissjóður hefur ákveðið að kaupa hluti fyrir að minnsta kosti 2,9 milljarða íslenskra króna. Auk þess hefur Stefnir, sjóðsstyringafyrirtæki í eigu Arion banka, skuldbundið sig til þess að fjárfesta fyrir tæplega 1,2 milljarða. Þriðji meginfjárfestinn er norðmaðurinn Edvin Austbø sem í gegnum félag sitt Alden AS mun að minnsta kosti kaupa hluti fyrir 327 milljónir íslenskra króna.

Kjartan Ólafsson selur hluti sína

Tvenn útboð eiga sér stað. Í fyrsta lagi er útgáfa nýrra hluta sem sagt er vera til þess fallið að afla fjármagn sem á að nýtast í frekari uppbyggingu svo sem að styrkja virðiskeðjuna, stækka seiðaeldi, gera úrbætur á framleiðslustöð á Bíldudal og styrkja vörumerkið.

Seinna útboðið er framkvæmt á grundvelli þess að núverandi fjarfestar selji hluti í félaginu. Þá mun Pactum AS selja allt að 55% af núverandi hlutum sínum sem nema 6,8% af Icelandic Salmon AS. Jafnframt mun Gyða ehf, í eigu Kjartans Ólafssonar stjórnarformanns Icelandic Salmon AS, selja 22% af hlutum sínum sem nú nema 4,8% af félaginu.

Fréttablaðið sagði fyrst frá.

Tengdar fréttir

Fiskeldi

Telur lúsina sameiginlega áskorun

• Lús smitar út frá kvíum í villta laxa
• Met sett í vinnslunni í október
• Rannsaka mikinn seiðadauða í Fáskrúðsfirði
• 2024 líklegast metár eldisafurða

» Fleiri tengdar fréttir

• Blogga um frétt