Matvælastofnun leggur til að ÍS 47 ehf. verði veitt rekstrarleyfi vegna sjókvíaeldis í Önundarfirði, að því er fram kemur í tilkynningu á vef stofnunarinnar. Þar segir að um sé að ræða nýtt rekstrarleyfi fyrir 1.000 tonna hámarkslífmassa af regnbogasilungi og þorski, en að fyrirtækið hafi áður verið með 200 tonna rekstrarleyfi fyrir regnbogasilungi og þorski.

Í ákvörðun Skipulagsstofnunar um matsskyldu segir að „það er niðurstaða Skipulagsstofnunar að aukið fiskeldi ÍS 47 ehf. á Önundarfirði sé ekki líklegt til að hafa umtalsverð umhverfisáhrif og skuli því ekki háð mati á umhverfisáhrifum.“

Jafnframt hvetur stofnunin fyrirtækið og aðra sem að framkvæmdinni koma til að viðhafa „þá verktilhögun og mótvægisaðgerðir sem kynnt hafa verið við meðferð málsins og vöktun á aðgerðum og áhrifum þannig að framkvæmdin sé ekki líkleg til að valda verulegum og óafturkræfum áhrifum á umhverfið.“

Tengdar fréttir

Fiskeldi

Thor fær leyfi til fiskeldis

• Allt landeldi í uppnámi
• Eining um vöktun grunnvatns
• Tillaga að 12 þúsund tonna eldi Geo Salmo
• Sigurður Arnar til liðs við Laxey

» Fleiri tengdar fréttir

• Blogga um frétt