Verði af samruna tveggja til þriggja fiskeldisfyrirtækja, sem eru með höfuðstöðvar í miðhluta Noregs, gæti það haft áhrif á fiskeldisfyrirtækin á Íslandi og ekki ómögulegt að í kjölfarið komi til samruna.

Fyrirtækin sem athuga sameiningu eiga helming eða meirihluta í tveimur íslenskum laxeldisfyrirtækjum og einn hluthafinn á meirihluta í þriðja fyrirtækinu.

Norskir og alþjóðlegir fréttamiðlar hafa haft veður af viðræðum um samruna Norway Royal Salmon (NRS) og NTS, hugsanlega með þátttöku þriðja fiskeldisfyrirtækisins. Eftir að fréttir fóru að birtast á fréttamiðlum um fiskeldi gáfu NRS og NTS út sameiginlega tilkynningu til kauphallarinnar í Osló þar sem fram kom að athugun væri í gangi en niðurstaðan enn óljós. Í viðtölum við stjórnendur hefur komið fram að vonast er eftir niðurstöðu í nóvember eða desember. Eignarhald að nokkrum fiskeldisfyrirtækjum sem eru með höfuðstöðvar í miðhluta Noregs en rekstur víðar er samtvinnað. Þannig er Helge Gåsø stærsti hluthafinn í NTS og stjórnarformaður NRS. Hann er lykilmaðurinn í þessum þreifingum, að því er fram kemur í fréttaskýringu um þetta mál í Morgunblaðinu í dag.

Tengdar fréttir

Fiskeldi

Vestfirðirnir hafa fengið vind í seglin

• „Enginn flokkur tekið málið í fangið“
• Strokulaxar setja mark sitt á laxveiðiár
• Eldisrisi fjárfestir milljörðum í þekkingu
• 5.196 laxar hafi sloppið úr landeldisstöð

» Fleiri tengdar fréttir