Eftirlitsstofnun EFTA (ESA) hefur sent íslenskum stjórnvöldum álit sitt um að hérlend stjórnvöld brjóti í bága við lög sem gilda innan EES. Hér á landi eru nefnilega engin lög sem veita stjórnvöldum sektarheimild sem beita má gegn skipum sem leggja hér við höfn og uppfylla ekki alþjóðlega staðla EES.

Frá árinu 2017 hefur ESA bent íslenskum stjórnvöldum á að lagaheimildir skorti til þess að sekta rekstraraðila skipa, sem uppfylla ekki staðla EES. Þó hefur ekkert enn hefur verið að gert. Því metur ESA það svo að íslensk stjórnvöld séu að brjóta lög og getur íslenska ríkið átt yfir höfði sér dóm fyrir EFTA dómstólnum.

Í fréttatilkynningu frá ESA segir að íslenska ríkið fái nú tvo mánuði til þess að koma sjónarmiðum sínum í málinu á framfæri við ESA og mun ESA ákveða að því loknu hvort málinu verði vísað til EFTA dómstólsins.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Hitnar í kolum vegna fiskveiði
• ESB gerir athugasemd við fetaost frá MS
• Þekkingarleysi innan ESB-ríkja truflar útflutning

» Fleiri tengdar fréttir

• Blogga um frétt