Hluthafar sem tóku þátt í hlutafjárútboði Ice Fish Farm AS (eignarhaldsfélag Fiskeldi Austfjarða) hafa hagnast töluvert á fjárfestingu sinni. Frá hlutafjárútboði sem haldið var áður en félagið var skráð í norsku kauphöllina í júní hefur verð hlutabréfa félagsins hækkað um 43%, en 23% frá því að viðskipti með bréfin hófust á markaði, að því er fram kemur í umfjöllun Dagens Næringsliv.

Frétt af mbl.is

Fiskeldi í norsku kauphöllina

Fjárfestingasjóðurinn Sissener Canopus, sem norski fjárfestirinn Jan Petter Sissener rekur, hefur selt töluverðan fjölda hlutabréfa í Ice Fish Farm. Vísar Dagens Næringsliv til þess að sjóðurinn var einn þeirra aðila sem voru á skrá yfir hluthafa Ice Fish Farm þegar fyrirtækið var skráð í norsku kauphöllina í júní, en nýr hluthafalisti sem var birtur í dag sýnir að sjóðurinn er ekki lengur meðal 50 stærstu hluthafa.

Stærsti hluthafi í Ice Fish Farm er norska fiskeldisfyrirtækið Midt-Norsk Havbruk sem fer með yfir helmings hlut, en norska fyrirtækið er hluti af NTS samsteypunni.

Tengdar fréttir

Fiskeldi

Brennihveljur geta verið langvarandi vandamál

• Nýtt útflutningsmet fyrir íslenskt fiskeldi
• Kaldvík hefur samstarf við Aquabyte
• Úrskurðir féllu Arctic Fish í vil
• Rekstrarleyfi Arnarlax í djúpinu afturkallað

» Fleiri tengdar fréttir

• Blogga um frétt