Skipverjarnir 25 á frystitogaranum Júlíusi Geirmundssyni ÍS fara frá borði í dag. „Níu þeirra hafa jafnað sig og eru með mótefni, þrettán eru smitaðir og verða í einangrun og þrír eru hvorki smitaðir né með mótefni og fara í sóttkví,“ segir Gylfi Ólafsson, forstjóri Heilbrigðisstofnunar Vestfjarða, í samtali við 200 mílur.

Gylfi segir að af þeim sem hafa greinst með veiruna fari fimm í farsóttarhús í nágrenni Ísafjarðar en aðrir fari til síns heima eða í íbúðir á eigin vegum víða um land. Þá verður einn eftir um borð í skipinu.

Frétt af mbl.is

Meirihluti áhafnar smitaður

Fram kemur í tilkynningu á facebooksíðu Heilbrigðisstofnunar Vestfjarða að „vettvangsstjórn og aðgerðastjórn hefur verið virkjuð við uppsetningu farsóttahússins, flutning á fólki og annað sem tengist málinu. Samráð hefur verið haft við sóttvarnalækni, Sjúkratryggingar Íslands, Rauða kross Íslands og fleiri“.

Fyrsta sýnatakan átti sér stað er skipið kom til hafnar á Ísafirði 18. október til að taka olíu, en áhöfnin hafði þá verið um þrjár vikur á sjó og sýndu nokkrir starfsmenn flensueinkenni. Niðurstöður sýnatökunnar lágu fyrir að kvöldi 19. október og sýndu að meirihluti áhafnarinnar var smitaður af kórónuveirunni. Var skipinu snúið til hafnar á ný.

Tengdar fréttir

Kórónuveiran Covid-19

Ekkert um alvarleg veikindi

• Skyldasti ættingi SARS „var í þeirra eigin ísskáp“
• Almenningur fékk ekki nægan aðgang að samningum
• Við höfum „runnið til baka niður brekkuna“
• Grípa til aðgerða: Covid-19 breiðist hratt út

» Fleiri tengdar fréttir

Covid-veikir skipverjar á Júlíusi Geirmundssyni

Skipstjóri sakfelldur vegna Covid-smits skipverja

• Segir óhugsandi að útgerðin hafi ekki ráðið för
• Sviptur skipstjóri á Júlíusi ráðinn stýrimaður
• Ekki ljóst hvort allir nái heilsu á ný
• Skipstjórinn sviptur réttindum í fjóra mánuði

» Fleiri tengdar fréttir

• Blogga um frétt