Segir áhöfninni hafa verið stefnt í hættu
Setja bókamerki
Tengdar fréttir
Kórónuveiran Covid-19
Hákon Blöndal, 1. vélstjóri á Júlíusi Geirmundssyni ÍS, segir Hraðfrystihús Gunnvarar ekki greina rétt frá atburðarrásinni er áhafnarmeðlimir smituðust af kórónuveirunni og segir verkferlum ekki hafa verið fylgt.
Þá segir Hákon ástæðu til þess að fyrirtækið viðurkenni að mistök voru gerð og að skipverjarnir verði beðnir afsökunar. En hann telur að skipstjórinn á Júlíusi Geirmundssyni hefði átt að hafa samband við Landhelgisgæsluna þegar vaknaði grunur um smit um borð og láta stofnunina ákveða næstu skref.
„Þetta er ljóta helvítis yfirklórið og drullumokstur,“ segir Hákon í færslu á Facebook-síðu sinni og vísar til yfirlýsingar sem birt var á heimasíðu Hraðfrystihússins Gunnvarar í gær.
Í yfirlýsingunni segir meðal annars: „Fyrirtækið vill koma því á framfæri að fljótlega eftir að bera fór á flensueinkennum meðal áhafnar var haft samband við Heilbrigðisstofnun Vestfjarða. Ekki þótti ástæða til að kalla skipið til hafnar á þeim tíma. Eftir 3 vikur á veiðum var ljóst í kjölfar skimunar allra áhafnarmeðlima að COVID-19 smit var um borð, var skipinu þá umsvifalaust snúið til hafnar. Í ljósi þeirrar vitneskju sem nú liggur fyrir hefði átt að kalla skipið fyrr til hafnar og setja alla áhöfnina í skimun.“
Hefði átt að tilkynna gæslunni
Hákon er ekki sammála þessari lýsingu útgerðarfélagsins. „Hérna er ekki öll sagan sögð og menn þurfa að taka sig saman í andlitinu og viðurkenna mistök. við grun um Covid smit um borð ber skipstjóra að hafa samband við landhelgisgæslu Íslands sem ákveður næstu skref. Í þessu tilfelli var verkferlum ekki fylgt og áhöfn fékk aldrei að njóta vafans og var lögð í mikla áhættu!“
Í gær var greint frá því að áhöfnin hafi fengið að fara frá borði eftir að niðurstöður fengust úr sýnatöku.Níu skipverjann mældust með mótefni, þrettán eru smitaðir og urðu sendir í einangrun og þrír eru hvorki smitaðir né með mótefni og skikkaðir í sóttkví.
Uppfært kl: 14:54. Upphaflega stóð að Hákon væri yfirvélstjóri á skipinu, hið rétta er að hann gegnir starfi 1. vélstjóra og hefur fréttin verið uppfærð með tilliti til þessa.
Tengdar fréttir
Kórónuveiran Covid-19
Oddvitaviðtöl í Reykjavík suður
Fimm á sjúkrahús og 62 handteknir í Amsterdam
„Það var ekki dæmt löglegt að mismuna börnum“
Biður fólk um að vera ekki á ferðinni
Deiliskipulag úr gildi
Óvíst um lögfestingu kílómetragjaldsins
Vetrarblæðinga vart í Öxnadal
Ekkert ferðaveður á Vestfjörðum og á Norðurlandi