Útgerðin hafnaði beiðnum sóttvarnayfirvalda
Setja bókamerki
Tengdar fréttir
Kórónuveiran Covid-19
/frimg/1/35/4/1350480.jpg)
Umdæmislæknir sóttvarna á Vestfjörðum óskaði eftir því að frystitogaranum Júlíusi Geirmundssyni ÍS yrði snúið til hafnar þegar grunur vaknaði um kórónuveirusmit um borð. Þessi beiðni var ítrekuð en útgerðarfyrirtækið Hraðfrystihúsið Gunnvör hafnaði þessum beiðnum.
Þetta er meðal þess sem fram kemur í yfirlýsingu frá stjórn Sjómannasambands Íslands. Þar segir að stjórnin hafi fengið umræddar upplýsingar frá umdæmislækni sóttvarna á Vestfjörðum og að stjórnin líti viðbrögð útgerðarinnar „alvarlegum augum þar sem ekki dylst nokkrum manni að farsótt geisar í landinu“.
Bent er á að bæði samtök sjómanna og útgerðarmanna hafi sent í byrjun faraldursins út tilmæli til útgerða og sjómanna um hvernig ætti að bregðast við kæmu upp veikindi um borð. „Þau voru og eru alveg skýr. Útgerðin virðist hafa hunsað þessi tilmæli með öllu og hélt skipinu til veiða þrátt fyrir að skipverjar veiktust hver af öðrum.“
Þá telur stjórn Sjómannasambandsins útgerðina hafa lagt áherslu á eigin fjárhagslegan ávinning í stað heilsu áhafnarinnar. „Sjómannasamband Íslands fordæmir þá lítilsvirðingu sem útgerðin sýndi áhöfn skipsins með því að halda áfram veiðum þrátt fyrir mikil veikindi um borð,“ segir í yfirlýsingunni.
Tengdar fréttir
Kórónuveiran Covid-19
Lokahnykkur á brotnum hafís í 36 tíma
Viðurkennir að fjarað geti undan framboðinu
Erfiðara að vernda Bláa lónið í nýju gosi
„Í pytti sem við vorum búin að sjá fyrir“
„Gert að vandamáli heilbrigðiskerfisins“
Aðskildir tvíburar kynntust óvænt á TikTok
Gríðarleg uppbygging austan fjalls á tíu árum