Verðmætustu afurðirnar fara til Frakklands

Þrátt fyr­ir kór­ónu­veikifar­ald­ur hef­ur orðið aukn­ing á út­flutn­ingi þorskaf­urða til Frakk­lands fyrstu níu mánuði árs­ins miðað við sama tíma í fyrra. Hvað verðmæti áhrær­ir hef­ur Frakk­land verið á toppn­um frá ár­inu 2017 þegar franski markaður­inn tók fram úr þeim breska, sam­kvæmt upp­lýs­ing­um frá Sam­tök­um fyr­ir­tækja í sjáv­ar­út­vegi (SFS).

Staðan á út­flutn­ingi þorskaf­urða til Bret­lands er nán­ast óbreytt í ár miðað við 2019. Sam­drátt­ur hef­ur orðið á út­flutn­ingi til Spán­ar og Banda­ríkj­anna, en nefna má að áfanga­stöðum fyr­ir flug frá Íslandi hef­ur fækkað í Banda­ríkj­un­um sam­fara kór­ónu­veirufar­aldr­in­um.

Aukn­ing hef­ur orðið á út­flutn­ingi til Portú­gals. Fyrr­nefnd fimm lönd kaupa mest af þorskaf­urðum héðan eða yfir 70% miðað við verðmæti. Bret­ar hafa verið stærsta viðskiptaþjóð Íslend­inga með fryst­ar afurðir, Frakk­ar með fersk­ar og Spán­verj­ar og Portú­gal­ar með saltaðar. Banda­ríski markaður­inn er næst­stærsti markaður Íslend­inga með fersk­ar afurðir.

Á fyrstu níu mánuðum árs­ins er út­flutn­ings­verðmæti sjáv­ar­af­urða komið í 196 millj­arða króna sam­an­borið við um 192 millj­arða á sama tíma í fyrra. Það er rétt rúm­lega 2% aukn­ing í krón­um talið, en sú hækk­un skrif­ast á lækk­un á gengi krón­unn­ar. Rúm­lega 7% sam­drátt­ur mæl­ist í út­flutn­ings­verðmæt­um sjáv­ar­af­urða á tíma­bil­inu í er­lendri mynt, að því er fram kom í frétta­bréfi SFS í vik­unni.

Útflutn­ings­verðmæti þorskaf­urða var komið í tæpa 98 millj­arða á fyrstu níu mánuðum árs­ins. Það er um 4% aukn­ing frá sama tíma­bili í fyrra, mælt í er­lendri mynt. Verðmæti þorskaf­urða er þar með 50% af heild­ar­verðmæt­um út­fluttra sjáv­ar­af­urða í ár, en nefna má að loðna hef­ur ekki verið veidd síðustu tvo vet­ur, að því er fram kem­ur í Morg­un­blaðinu í dag.