Lögreglan á Vestfjörðum hefur lokið að ræða við skipstjórann á Júlíusi Geirmundssyni ÍS sem og alla sjómenn sem voru um borð þegar kórónuveirusmit kom upp í togaranum í síðasta mánuði.

Ekki var skeytt um að koma með skipverja í land þótt smitið hefði komið upp og veiðum haldið áfram í trássi við reglur. Veiktust margir skipverjar vegna málsins og hóf lögregla rannsókn þess í kjölfarið.

Frétt af mbl.is

Yfirheyrslum er að ljúka

Karl Ingi Vilbergsson lögreglustjóri segir í samtali við mbl.is að búið sé að ræða við skipstjórann, sem var í einangrun í síðustu viku, og nú sé unnið að gagnaöflun. Segir hann að slík vinna taki alltaf einhvern tíma, en beðið er eftir upplýsingum frá heilbrigðisyfirvöldum um heilsu skipverjanna.

Spurður um tímalengd rannsóknarinnar segir Karl ekki hægt að svara til um það að svo stöddu, en að ekki sé komið að því að senda málið til saksóknara.

Tengdar fréttir

Covid-veikir skipverjar á Júlíusi Geirmundssyni

Skipstjóri sakfelldur vegna Covid-smits skipverja

• Segir óhugsandi að útgerðin hafi ekki ráðið för
• Sviptur skipstjóri á Júlíusi ráðinn stýrimaður
• Ekki ljóst hvort allir nái heilsu á ný
• Skipstjórinn sviptur réttindum í fjóra mánuði

» Fleiri tengdar fréttir

• Blogga um frétt