Sjópróf fer fram 23. nóvember í máli skipverja á frystitogaranum Júlíusi Geirmundssyni en ákvörðunin var tekin við þingfestingu málsins í Héraðsdómi Reykjaness í dag. Alls veiktust 22 af 25 skipverjum af Covid-19 á túr í október og veiðum var haldið áfram þrátt fyrir grun um smit um borð.

Greint er frá málinu á vef Rúv en  þar segir að skipstjórinn gagnrýni væntanleg sjópróf. Hann segir stéttarfélög sjómanna lítillækka sig opinberlega.

Stétt­ar­fé­lög skip­verja á Júlí­usi Geir­munds­syni ÍS 270 kærðu fram­göngu Hraðfrysti­húss­ins Gunn­var­ar hf. og huns­un á til­mæl­um yf­ir­valda um viðbrögð við hópsmiti um borð í tog­ar­an­um til lög­reglu. 

Fé­lög­in fimm lögðu einnig fram beiðni til Héraðsdóms um að fram fari sjó­próf svo hægt sé að rekja at­b­urðarrás­ina um borð.

Í frétt Rúv kemur fram að kórónuveirusmit um borð hafi verið skipstjóranum þungbær, sem og það að hann hafi átt að neyða veika menn til vinnu.

Þar kemur einnig fram að tilgangur réttarhaldanna sé að smána hann opinberlega og að stéttarfélögin fimm hafi þegar fellt sinn dóm. Hann frábiðji sér sýndarréttarhöld og opinbera auðmýkingu og kveðst ekki ætla að taka þátt í þeim.

Tengdar fréttir

Covid-veikir skipverjar á Júlíusi Geirmundssyni

Skipstjóri sakfelldur vegna Covid-smits skipverja

• Segir óhugsandi að útgerðin hafi ekki ráðið för
• Sviptur skipstjóri á Júlíusi ráðinn stýrimaður
• Ekki ljóst hvort allir nái heilsu á ný
• Skipstjórinn sviptur réttindum í fjóra mánuði

» Fleiri tengdar fréttir

• Blogga um frétt