Brim hagnaðist um 3,5 milljarða á níu mánuðum
Setja bókamerki
Útgerðarfélagið Brim hf. hagnaðist um 21,5 milljónir evra (3,5 ma.kr.) á fyrstu níu mánuðum ársins. Þetta kemur fram í uppgjöri félagsins sem birt var í dag.
Rekstrartekjur samstæðunnar fyrstu níu mánuði ársins námu 213 milljónum evra (34,7 mö.kr.) á tímabilinu og jukust um 25% frá sama tímabili árið áður. Í tilkynningu frá félaginu segir að aukninguna megi fyrst og fremst rekja til þess að sölufélög í Asíu eru nú hluti af samstæðunni en þau voru áður rekin í öðru félagi. Án þeirra hefðu rekstrartekjur verið 143 milljónir evra, um 17% minni en í fyrra.
Þrátt fyrir það dróst hagnaður samstæðunnar saman um fjórðung frá sama tímabili í fyrra, þegar hann var 28,5 milljónir evra.
Eigið fé jókst um 4% á milli ára á milli ára og var 330 milljónir evra (54 ma.kr.) við lok ársfjórðungsins, þ.e. 30. september 2020.
„Þrátt fyrir áframhaldandi neikvæð áhrif Covid-heimsfaraldursins á aðstæður rekstrar og á markaði hefur starfsfólki Brims með samstilltu átaki tekist vel til við rekstur veiða, vinnslu og markaðssetningar við þessar krefjandi aðstæður.
Endurnýjun fiskiðjuvers á Norðurgarði er nú langt komin, veiði bolfisks hefur gengið þokkalega og verið áfallalaus. Vertíðir uppsjávarfisks í sumar og á haustmánuðum gengu einnig vel. Því má vel segja að niðurstaða uppgjörs Brims á fyrstu níu mánuðum ársins 2020 verði að teljast vel ásættanleg,“ er haft eftir Kristjáni Þ. Davíðssyni, stjórnarformanni Brims, í tilkynningu.
Hann mun kynna uppgjörið á fjarfundi föstudaginn 20. nóvember klukkan 8:30, en hægt er að sækja um aðgang í gegnum netfangið kynning@brim.is.
Snapchat verst af þeim öllum
„Vindar frelsis fái að leika um samfélagið“
Vottar Jehóva fyrir áfrýjunardómstól
Um 90 milljónir í vanskilum
Telur dóminn ekki hafa áhrif á viðræður
„Ljóst mál að fólk mætir í vinnuna á morgun“