Engar rækjuveiðar á Skjálfanda
Setja bókamerki
Hafrannsóknastofnun leggur til að rækjuveiðar verði ekki heimilaðar í Skjálfanda fiskveiðiárið 2020/2021 vegna varúðarsjónarmiða, að því er segir í tilkynningu á vef stofnunarinnar.
Þar segir að stofnvísitala rækju í Skjálfanda hafi haldist lág frá árinu 1999, fyrir utan árin 2011 og 2012. Niðurstöður stofnmælingar sem Hafrannsóknastofnun framkvæmdi í haust gaf til kynna að rækjustofninn í Skjálfanda er undir skilgreindum varúðarmörkum.
Bent er á að stofnmælingin í nóvember hafi ekki farið fram „við kjöraðstæður þar sem stormur og norðanáttir voru ríkjandi á þessum tíma. Tekin var full könnun ásamt tveimur aukatogum austarlega í flóanum.“
Tengt þorski og ýsu
Fram kemur í tilkynningunni að vísitala þorsks á þessu ári sé hæsta frá árinu 2012, vísitala ýsu sú hæsta frá árinu 2009 og vísitala ýsuseiða sú næsthæsta frá árinu 1993. „Má því búast við að vísitala rækju á svæðinu muni ekki hækka í bráð.“
Rækjustofninn stendur víða höllum fæti og ráðlagði Hafrannsóknastofnun í ágúst að engar rækjuveiðar yrðu stundaðar við Eldey, auk þess hefur stofninn í Arnarfirði verið sagður nálægt sögulegu lágmarki.
Éljagangur en síðan slydda eða rigning
Feðgar saman í Grænlandstúr á jólum
Björgunarsveitir kallaðar út í nótt
„Við munum grípa inn í“
Ekkert ferðaveður og vegalokanir á jóladag
Æskuvinir sem fóru í víninnflutning frá Georgíu
Hellisheiði og Þrengsli ekki opnuð í dag
Spá 13-18 stiga frosti í borginni