Færeyska laxeldisfyrirtækið Hiddenfjord hætti í október öllum vöruflutningi með flugi og með því minnkaði losun koltvísýrings vegna vöruflutninga fyrirtækisins um 94%.

Fyrirtækið er fyrsta eldisfyrirtækið í heimi sem tekur jafn afdráttarlausa ákvörðun sem dregur úr kolefnislosun í takti við markmið Sameinuðu þjóðanna um brýnar loftslagaðgerðir, að því er fram kemur í umfjöllun World Fishing & Aquaculture.

Eldislax er með mun minna kolefnisspor en aðrir próteingjafar eins og nauta-, lamba- eða svínakjöt og með því að láta af flutningum með flugi er varan talin verða mun umhverfisvænni og sé sjálfbær kostur.

„Staðreyndirnar tala sínu máli, við þurfum öll án tafar að hætta að nota flugvélar til vöruflutninga og þannig draga úr loftslagsbreytingum,“ segir Atli Gregersen, framkvæmdastjóri og eigandi Hiddenfjord. „Ef við ætlum raunverulega að geta sagst vera sjálfbært fyrirtæki verðum við að taka ábyrgar ákvarðanir.“

Hefur vakið áhuga

Þá segir í umfjölluninni að neytendarannsóknir hafa sýnt að Hiddenfjord hafi tekist að tryggja óbreytt gæði við afhendingu þrátt fyrir að vörur séu ekki lengur fluttar með flugi. „Þrátt fyrir að stöðvun fraktflugs hefur verið mikil breyting fyrir marga viðskiptavini okkar, erum við ánægð með að hafa sýnt fram á að við getum tryggt okkar þekktu gæði – nú með miklu lægra kolefnisfótspor,“ er haft eftir Óla Hansen, sölustjóra Hiddenfjord.

Bætir Óli við að breytingin hafi gert það að verkum að nýir kaupendur sem hafa sérstakan áhuga á sjálfbærni sýni vörum Hiddenfjord áhuga.

Ákvörðun fyrirtækisins er nokkuð önnur en tíðkast hefur í greininni, en leitað hefur verið ýmsa leiða hér á land sem og erlendis að tryggja fljóta afhendingu til fjarlægra markaða.

Frétt af mbl.is

Beint flug með afurðir til Kína

Tengdar fréttir

Loftslagsvá

21. júlí heitasti dagur jarðar frá upphafi mælinga

• Hitamet slegið í kjölfar skógarelda
• Það er ekki allt að fara til fjandans
• Skora á Guðlaug að virkja bann tafarlaust
• Um 2.000 börn deyja daglega vegna loftslagsmengunar

» Fleiri tengdar fréttir

Fiskeldi

„Enginn flokkur tekið málið í fangið“

• Strokulaxar setja mark sitt á laxveiðiár
• Eldisrisi fjárfestir milljörðum í þekkingu
• 5.196 laxar hafi sloppið úr landeldisstöð
• Strokulöxum fækkar í norskum ám

» Fleiri tengdar fréttir

• Blogga um frétt